Nahaya na ang pito ka tuig nga bata nga lalaki nga nalumos sa isa ka resort sa ciudad sang Himamaylan sang Disyembre 25, 2023, kapin alas- 9:00 sang aga.
Sa interview sang Bombo Radyo kay Police Captain Arturo Margallo, Deputy Chief of Police sang Himamaylan City Police Station, nagpadulong sa resort ang pamilya kag sila ang pinakauna nga costumer kag madutay lamang ang mga tawo, amo nga wala sang may nakanotisyar sa pito ka tuiig nga bata.
Suno diri, nagpadulong sa adult pool ang bata kag naglumpat sa kapin 5 feet nga swimming pool amo nga nalumos ini.
Matapos ang pila ka minutos amo lamang sang nanotisyar sang iloy sini nga wala na ang iya bata.
Ila ini ginpangita kag didto na nakit-an nga yara sa adult pool kag wala na sang kabuhi.
May yara man sang nakaduty nga lifeguard, apang bangod timprano pa sadto kag isa lamang ka pamilya ang costumer, wala nanotisyaran ang bata.
Pahayag ni Margallo, may inisyal na nga settlement ang tag-iya sang resort kag ang pamilya para sa pagpalubong sa bata.
Sa karun ang pito ka tuig nga bata ang nahaya na sa ila nga puluy-an sa Sitio Balicaocao. Barangay Orong, Kabankalan City.
