Nakarecord sang isa ka firecracker related injury sa Bacolod City sang besperas sang Paskwa.
Sa interview sang Bombo Radyo Bacolod kay Dr. Grace Tan, ang environment and sanitation division head sang Bacolod City Health Office, pito ka tuig nga bata nga lalaki sa Brgy Estefania, Bacolod ang labing una nga biktima sang palupok antes ang pagsugata sa bag-ong tuig.
Ini ang nakaangkon sang paso sa tiil kag kamot matapos maghampang sang 5-star, nga isa sa mga ginadumilian nga palupok.
Ginalantaw ni Tan nga ginbakal ang palupok indi sa designated firecracker selling area ukon illegal nga nagabaligya.
Panindugan sini nga ang mga ahensya sang gobyerno ang nagapromote sang Ligtas Christmas celebration kag kalakip diri ang firecracker injury prevention.
Suno sa doktor, mahimo nga maselebrar ang bag-ong tuig sa iban nga pamaagi kag kun maggamit sang palupok.
Samtang may-ara man sang listahan ang Bacolod City Health Office sang mga ginadumilian nga palupok.
Panawagan ni Tan nga kun may mahibaluan nga nagabaligya sang ginadumilian nga palupok, ini ang idangop sa otoridad.
Samtang pahanumdom naman sini sa mga ginikanan nga giyahan ang mga kabataan sa paggamit sang palupok agud indi magdangat sa disgrasya.
Dugang pa sini nga kun maggwa ang mga kabataan, ipahanumdom gid nga likawan ang magpamudyot sang mga wala naglupok nga firecrackers bangod ini ang mahimo nga hinali maglupok
Nagalaom ang mga ini nga sa pagsugata sang bag-ong tuig, kumpleto ang bahin sang lawas kag mapreserbar ang kabuhi.
