BACOLOD CITY- Pito ka mga kabarangayan sa ciudad sang Bacolod ang nagapabilin nga unopposed ang mga nagapapili bilang Punong Barangay.
Sa datos sang Commission on Elections (Comelec), sa pito, anom ang gikan sa numbered barangays kag isa ang sa named barangay.
Nagapabilin nga unopposed sa Brgy. Cabug si Punong Barangay Juan Zonnuel Tragico subong man si Punong Barangay Ernesto Yap Jr. sa Brgy. 32.
Sa Brgy. 34 naman wala sang kasumpong si Punong Barangay Teodoro Yulo, si Punong Barangay John Mark Pettierre sa Brgy. 30 kag si Punong Barangay Reymundo Salaveria sa Barangay 5.
Wala man sang kontra si Punong Barangay Ronie Serano sa Brgy. 9 kag sa Brgy. 13 si Punong Barangay Franklin Andrei Famillaran.
Sa bahin naman sang Sangguniang Kabataan (SK) chairman, lima ang unopposed nga ginalakipan sang Barangays 32, 30, 9,13 kag 15.
Sa pagka-SK Kagawad naman sigurado ang kadalag-an sang mga nag-file sa Barangays 32, 15, 11, 34, 30, 9, 5 bangud pila sa nasambit nga mga barangay ang indi kumpleto ang slate.
