BACOLOD CITY-Patay ang pito katuig nga bata matapos mabungguan sang isa ka pribado nga salakayan sa Sto. Campuestuhan, Brgy. Cabatangan, ciudad sang Talisay kahapon.
Sa interview sang Bombo Radyo Bacolod kay Police Lieutenant Ray Cordero, Deputy for Administration sang Talisay City Police Station, ginpahayag sini nga padulong ang salakyan sang suspetsado sa Campuestuhan alas-2:00 ang takna sang hapon kahapon kag wala sini natalupangdan ang nagatabok nga bata gani nabungguan niya ini.
Dugang pa ni Cordero, gindala man gilayon sa ospital ang bata apang gindeklarar ini dead on arrival.
Nahibaluan nga residente sang Brgy. Mansilingan, Bacolod City, ang driver sang salakyan apang naghingyo ini sa kapulisan nga indi lang pag-ibuyagyag ang iya ngalan.
