Malapit na nga matapos ang bag-o nga Provincial Administration Center sang Negros Occidental.
Suno kay Negros Occidental Governor Eugenio Jose “Bong” Lacson, ginalantaw nga matapos na kag maturn over sa provincial government ang 7 storey building sa Marso.
Kasunod sini, amat-amat naman nga isaylo sa bag-o nga building ang pila sa mga opisina kag departamento sang provincial government.
Apang paathag ni Lacson nga ipabilin sini ang Governor’s Office kag Administrative Office sa iconic nga Provincial Capitol Building.
Suno diri, depende na sa magabulos sa iya nga gobernador kun isaylo sini ang mga opisina sa bag-o nga building.
Nahibaluan nga may ginduso sadto nga duta sang provincial government sa Talisay City na lamang itukod ang Provincial Administration Center bangod nas malapad ang propedad kag mas dako ang mahimo nga pasildad.
Apang nakapagkit man sa kontrata nga mahimo lamang nga masaylo ang lokasyon sang proyekto kun magsugot ang kontractor nga Dynamic Builders.
Bangod wala nagsugot ang contractor, gani gindayun na lamang ang pagtukod sang 7-storey building.
