Kun ikaw ang may hinuptanan nga sapat, may tion nga dapat ini puguhon kag siguruhon nga indi makasinabad sa iban nga tawo agud malikawan nga magkaproblema.
Kaangay lamang sang isa ka 70-anyos nga babayi sa Hérault region sang France nga ginmultahan sang 1,250 Euros ukon masobra P83,000 matapos ginreklamo sang iya nga kaingod bangod sa masami nga pagkadto sang iya kuring sa ila nga ugsaran.
Suno sa report, nagreklamo ang tupad-balay bangud sa mga marka sang tiil sa dingding, ihi sa habol, kag higko sa garden nga ginbilin ang kuring ni Dominique nga si Rémi.
Sang Enero, nagdesisyon ang korte pabor sa nagreklamo kag ginpabayad si Dominique sang amo nga kantidad.
Wala pa diri natapos ang kaso bangud liwat na naman nga ginpatawag sa korte si Dominique, matapos liwat nga naglumpat sa piyak nga kudal si Rémi.
Mahimo nga maglab-ot sa 2,000 Euros ukon P133,000 ang panibag-o nga multa kay Dominique.
