DPWH-NIR, wala sang security sa pihak sang kontrobersiya nga flood control project

Ginpahayag ni Department of Public Works and Highways – Negros Island Region, Regional Director Engr. Rodney Gustilo, nga wala sang ano man nga security nga ginrequest ang DPWH-NIR sa pag-atubang sa kontrobersiya nga flood control project.

Sa interview kay Gustilo, wala sang sin-o man nga empleyado sang DPWH-NIR nga nakabaton sang pagpamahog.

Suno diri, wala sila sang dapat ikahadlok bangod wala man sang ghost project sa rehiyon.

Samtang, ginpahayag man sini nga ang engineer nga ginluthang sa Sta Catalina, Negros Oriental, indi empleyado sang DPWH-NIR.

Suno diri, mahimo nga ang empleyado sang contractor kag indi project engineer sang departamento.