Nakapauli na ang 71 ka mga pamilya nga nag-evacuate matapos ang nagluntad nga engkwentro sa tunga sang South-West Front kag katapo sang 15th Infantry Battalion sang Philippine Army sa banwa sang Cauayan kahapon humalin sang aga tubtob sang hapon sang Mayo 16.
Sa interview sang Bombo Radyo Bacolod kay Cauayan Mayor John Rey Tabujara, nakapauli na ang mga nag-evacuate gikan sa tatlo ka mga Barangay nga apektado nga ginalakipan sang Barangay Man-uling, Abaca kag Barangay Poblacion.
Suno kay Tabujara ang apektado nga mga residente ang nagdangat sa 71 ka pamilya ukon 299 individuals.
Suno diri, na-clear na ang lugar kag nakabalik na sa ila puluy-an kahapon sang hapon.
Natumod na ang mga bangkay kag ang Philippine Army na ang bahala magpahibalo sa mga pamilya sang mga ini.
Ginpaidalom naman sang Department of Social Welfare and Development sa stress debriefing ang mga apektado nga residente.
Ginpadal-an man sang municipal government sang foodpacks antes ang mga ini nagbalik sa tagsa nila ka puluy-an.
Dugang pa sini nga ang nagluntad engkwentro ang indi man makaapekto sa adlaw adlaw nga pagpangabuhi sang mga residente bangud clear kag safe na ini.
