Indi magnubo sa 738 ka mga buluthuan ang magapostpone sang pagbukas sang ila klase nga orihinal nga ginschedule sa Hulyo 29 bangud sa epekto sang habagat kag Typhoon Carina.
Suno sa Department of Education, kapin 12,800 ka mga buluthuan ang naapektuhan sang malain nga tiyempo kun sa diin 246 ang ginbaha kag 425 ang ginhimo nga evacuation centers.
Kalabanan sa mga severely damaged nga mga buluthuan ang yara sa Metro Manila. Calabarzon kag Central suno kay DepEd Secretary Sonny Angara.
Suno kay Angara, ang mga areas nga magapostpone sang ila nga opening of classes ang ginalakipan sang Malabon nga patigayunon sa Hulyo 31 kag Valenzuela sa Agosto 5.
Una na nga ginpahayag ni President Ferdinand Marcos Jr. nga dapat madayon ang pagbukas sang klase sa Hulyo 29 kun posible.
Suno diri, kun yara sa maayo nga kondisyon ang mga school buildings agud makapatigayon sang klase, ila ini pagadayunon apang may yara gid nga indi pa magamit bangud madamo sang nagkalabilin nga lutak.
