74-anyos nga lalaki, patay matapos makuryente sa La Castellana

Patay ang 74-anyos nga lalaki matapos makuryente sa Purok 4, Barangay Cabacungan, banwa sang La Castellana alas- 12:30 kahapon sang udto, Oktubre 12.

Ginkilala ang biktima nga si alyas “Eddeto”, kasado nga residente sang nasambit nga lugar.

Santo sa panaysayon ni alyas “Salmero”, bata sang biktima, nagapangisda ang iya amay sa palaisdaan gamit ang electrical wire nga konektado sa kuryente sang ila balay.

Aksidente nga nakatapak ang iya amay sa tubig nga nagresulta sang iya pagkakuryente kag pagkahulog sa palaisdaan.

Gilayon nga gindala sa ospital si Eddeto apang gindeklarar nga dead on arrival.