Nagdangat sa halos isa ka oras nga nagtinir sa tunga sang dalan ang 74 anyos nga lalaki antes narescue matapos mabungguan sang motorsiklo sa Lacson Street, Barangay Bata, Bacolod City.
Ang biktima ang nagpakilala nga si Emilio Garcia, 74 anyos, residente sang Sta Fe, Brgy Granada, Bacolod City.
Ang driver sang motorsiklo ang ginkilala naman nga si Ulysses Arnaez, estudyante, kag padulong kuntani sa eskwelahan.
Ang aksidente ang ginapahayag natabo alas-5:45 pa lamang sang aga, apang naka-abot ang ambulansya sang Barangay Bata alas-6:40 na sang aga.
Pahayag ni Arnaez nga siya ang nagabyahe south to north direction sang magtabok ang tigulang sa pedestrian lane.
Apang ini ang nag-alang alang sang yara na sa tunga kag nagbalik, gani siya ang wala man nakapangaman kag nabungguan ang senior citizen.
Ang tigulang ang nag-angkon sang samad sa ulo.
Ginapakamaayo naman nga may nakalabay nga nakahibalo maghatag sang first aid nga residente sang Silay City, bangod madamo na ang nag-ilig nga dugo gikan sa ulo sang biktima, sa bulig sang isa ka pulis.
Suno sa karenderia sa pihak nga dalan, ginalantaw nila nga homeless si Garcia kag ini ang magatulog kuntani sa gwa sang ila store kagab-i.
Apang bangod sila ang magasarado na kag madulom ang area, ila ini nga ginpasaylo sa waiting shed, sa atubang sang pedestrian lane kun sa diin ini nagtabok kag naaksidente.
Ang biktima ang nakasuksok sang jogging pants nga blue, light brown nga tshirt kag pula nga tsinelas.
Ang biktima ang gindala naman sa Corazon Locsin Montelibano Memorial Regional Hospital agud madapatan sang nagakaigo nga pagbulong.
