Kun sarang mapa-igo ang sardinas sa lata kag ang camel sa kaha, mapa-igo man ang 75 ka pasahero sa pinakamalaba nga kotse sa kalibutan.
Ang salakyan nga human sa anum ka 1976 Cadillac El Dorado limousines may 30 meters nga kalabaon kag makasulod sang 75 ka tawo, apang mabudlay ini imaneho.
Ang salakyan ang ginhuman sang 1986 ni Jay Ohrbeg kag gintawag nga ‘American Dream’ kag gina-operate sang duha ka V8 engines sa kalabaon nga 18.28 meters.
Apang, mas ginpalaba pa gid ini ni Ohrbeg tubtob sa 30.5 meters.
Ini ang ginkilala sang Guinness sang tuig 1986 bilang pinakamalaba nga salakyan sa kalibutan apang ini ang napabayaan sa sulod sang warehouse sa New Jersey makaligad ang pila ka dekada tubtob nga ginbakal ini sang duha ka automotive enthusiasts kag ginrestore.
Sa karun may 26 ka brand new wheels na ang ‘American Dream’, napintahan sang bag-o, kag may bag-o nga dugang sa kalabaon sa effort nanday Michael Dezer kag Michael Manning.
