750 mil pesos nga balor sang suspected shabu ang nakuha sa isa ka 36-anyos nga lalaki sa ginpatigayon nga buybust operation sa Bangga Scala, Barangay Estefania ciudad sang Bacolod kahapon sang hapon.
Ginkilala ang suspetsado kay Romeo Salem, isa ka high-value individual kag nadala sa Top 10 sa drugs watchlist sa bilog nga Western Visayas kag residente ini sang Purok Villa Velleta, Barangay Estefania.
Natigayon nga makuha sa possession kag kontrol ni Salem amo ang isa ka sling bag nga nagaunod sang duha ka mga brown envelope nga may sulod nga lima ka mga heat sealed transparent plastic sachet sang suspected shabu, isa ka cellphone, P2,000 nga ginapatihan kita sa pagbaligya sang iligal nga druga.
Ginabanta nga nagabug-at sang 75 gramos ang nakumpiskar nga shabu kag nagabalor sang P75,000.
Priso karon si Salem kag natalana nga pasakaan sang kaso sa paglapas sa Republic Act 9165 ukon Comprehensive Dangerous Drugs Act of 2002.
