Ginahalad sang 79th Infantry Battalion sang Philippine Army ang ila nabatun nga duha ka award para sa mga Negrense.
Sa interview sang Bombo Radyo Bacolod kay 1st Lt Dan Carlo Samoza, civil military officer sang 79th IB, sila ang napasidunggan sa 51st Founding Anniversary celebration sang 3rd Infantry Spearhead Division.
Isa sa nabatun nila nga award ang ‘Kalasag Streamer’ award nga gindaho mismo ni Lt Gen Roy Galido, ang commanding general sang Philippine Army.
Samtang ginkilala naman nga ‘Outstanding CAFGU Active Auxillary 2025’ ang CAA sang 79th IB.
Suno kay Samoza, ini na ang ikatatlo nga asod-asod nga nakuha sang 7th IB CAA ang award.
Ang nabatun nga pasidungog ang ila nga ginahalad sa mga negrense.
Pasalig sini nga magaserbe ang awards nga dugang nga inspirasyon agud pasanyugon pa sang tropa ang ila serbisyo.
Kalakip na diri ang paglagas sa mga remnants sang makawala nga grupo kag pagseguro sang kalinong sa Negros Occidental.
Pasalig man sini nga sila ang mangin mapag-on indi lamang sa combat operations kasubong man sa community relations.
