Nagapabilin ang mga katapo sang 79th Infantry Battalion sang Philippine Army sa ciudad sang Cadiz agud mag-augment sa rescue operation inkaso liwat nga magluntad ang mga pagbaha.
Sa interview sang Bombo Radyo Bacolod kay Sgt. Eugene Palma, team leader sang 79th IB, sila ang gin-augment kagab-i kun sa diin napulo ang ginpadala nga personnel.
Apisar nga nagkulpa na ang baha, sila ang nagpabilin gihapon sa area agud madasig nga makaresponder inkaso liwat nga magbubo ang ulan kag magsaka ang tubig.
Panawagan naman ni Palma sa mga nagapuyo malapit sa mga suba nga mangin alerto kag kun makita na ang sinyales nga magasaka ang tubig, gilayon na nga mag-evacuate.
Nangin matawhay lamang ang ginpatigayon sang mga ini nga rescue operation kun sa diin may pipila lamang nga napilasan sang mga buka nga botelya ukon iban pa nga matalom nga bagay.
May isa naman ka hubog nga nagbato sa kapulisan sang sila ang ginapa-evacuate kag nanghangkat pa sa pasagad-sagad sa paglangoy, tubtob nga ini ang hinali nga nadula.
Apang ini ang madinalag-on man nga narescue.
Ang baha ang nagluntad matapos magtabu-ay ang pagtaas sang tubig sa suba bangod sa pag-ulan kag ang taob, nga nag-apekto sa anom ka Barangay nga ginalakipan sang Barangay Luna, Burgos, Daga, Mabini, Andres Bonifacio kag Caduha-an.
