Natumod nga kalakip sa 19 ka mga katapo sang New People’s Army nga napatay sa engkwentro sa Brgy Salamanca, Toboso, Negros Occidental ang 7th nominee sang Kabataan Party-list sang 2022 election nga si RJ Nichole Ledesma.
Sa interview sang Bombo Radyo Bacolod kay Anale Colastre, second cousin ni Ledesma, wala siya kag ang ila pamilya nakahibalo nga nag-intra na sa rebelde nga grupo ang biktima.
Suno kay Colastre, wala siya nakahibalo nga wala sa ila balay si Ledesma bangud ang natungdan ang wala nagagwa sa balay bangud studious type ini kag tuman man kahipuson nga tawo.
Wala man sila nakahibalo kun diin ini nagakadto bangud nagagwa lamang ini sa ila nga balay kun magpapahingi sang ila nga ido.
Suno diri, indi man ini makahibalo kun pila na ka bulan nga wala niya nakita ang napatay.
Dugang pa sini, si RJ kag ginatawag nila sa ayo nga Bogart ang isa lamang bata.
Aminado man ini nga nakibot siya nga nag-upod na ini sa makawala nga grupo.
Ang iloy sini ang nagatrabaho sa Negros Occidental Provincial Government kag ang amay sini ang anay Purok President kag sa karun yara sa balay nila matapos nga makarecover sa stroke.
