Nag-agom sang lagob sa mata ang walo ka tuig nga lalaki nga natalsikan sang balas sa paglupok sang 5-star sa Hda Alacaygan, Brgy Alacaygan, EB Magalona, Negros Occidental, kahapon alas- 10:30 sang aga.
Sa interview sang Bombo Radyo kay Police Capt Jyan Carlos Mania, acting chief of police sang EB Magalona Municipal Police Station, yara sa gwa sang balay ang bata nagalantaw sa iban man nga kabataan nga nagapalupok.
Suno diri, sang naglupok ang 5-star natalsikan sang balas ang natoo nga mata sang bata kun sa diin nag-angkon ini sang minor injury.
Madumduman nga nalakip sa listahan sang ginadumilian nga palupok sang Phlilippine National Police ang 5-star.
Ini na sa karun ang ika-napulo nga kaso sang firecracker related incident sa probinsya sang Negros Occidental.
May narekord nga pito ka firecracker related incident sa ciudad sang Bago, isa sa ciudad sang La Carlota, kag isa sa ciudad sang Binalbagan.
