Gintuldukan sang Houston Rockets ang eight-game winning streak sang Golden State Warriors matapos makuha ang 115-108 nga kadalag-an.
Ginpangunahan ni Alperen Sengun sang Rockets ang hampang matapos maka-record sang 19 points, 13 rebounds, kag siyam ka assists.
Nagdugang man si Kevin Durant sang 20 ka puntos samtang may 19 points si Amen Thompson.
Dako nga disadvantage para sa Warriors ang timprano nga paghalin ni Stephen Curry sa hampang bangud sa ginabatyag sini nga sakit.
Anum ka minuto lamang nga nagtinir si Curry sa game kag wala na nakabalik pa.
Sa bahin sang Warriors, nakakuha sang 25 points kag 10 rebounds ang rookie player nga si Yaxel Lendeborg samtang 22 points naman kay Brandin Podziemski.
Gin-anunsyo naman sang Warriors nga temporaryo nga indi makahampang si Curry sa duha ka semana ukon masobra pa matapos nag-sufrer sa oblique abdominal muscle.
Bangud sa injury, ginalantaw nga indi ini makahampang sa masunod nga pito ka games kontra San Antonio Spurs, New Orleans Pelicans, Dallas Mavericks, Memphis Grizzlies, Boston Celtics, Sacramento Kings, kag Portland Trail Blazers.
