Kapin 80 ka mga armado nga persona ang ginaalegar imbolbado sa pag-ambush sa mga kapulisan sa Sitio Candido, Barangay Bi-ao, banwa sang Binalbagan, Domingo sang aga.
Sa interview sang Bombo Radyo kay Police Major Ellendie Rebusquillo, hepe sang Binalbagan Municipal Police Station, sa impormasyon nga ila nabaton pagkatapos sang insidente, ang 80 ka mga armado nga persona ang ginpanghamtang sa nagkalain-lain nga possible enforcement kag may yara man nga nagasuporta para sa withdrawal sang tropa.
Suno kay Rebusquillo, minor injuries lamang ang naagum sang duha ka mga police personnel nga nasamaran bangud nagabato man ang tropa.
Gindugang man sini nga santo sa pahayag sang mga witness, nagmalfunction kag wala nakalupok ang armas sang mga persona nga nagapuntirya gid sa patrol car nga may unod pito ka mga police personnel kag 10 ka mga sibilyan nga ginconvoy gani wala ini mayo natam-an.
Nasalabat man ang isa ka 15-anyos nga bata sang barangay kagawad sa lugar.
Suno sa iya, ginpunterya sang mga armado ang driver sang patrol nga si Police Staff Sergeant Bryan Ganson apang maayo lamang bangud sa cellphone sini nga yara sa iya bulsa nag-igo ang bala kag wala naglapos sa iya tagipusuon.
Narecover sa lugar ang mga unfired cartridges kag mga bala nga wala naglupok subong man mga explosive devices.
