81 tanan ka police personnel kag non-uniformed personnel sang San Carlos City Police Station ginpaidalom sa surprise drug test.
Sa interview sang Bombo Radyo kay PCapt Rodney Sarona, deputy chief of police sang San Carlos City Police Station, ini nga tikang ginapatigayon kada tuig para mapasiguro nga ang mga personnel sang San Carlos City Police Station wala naga-engage sa illegal nga druga.
Suno diri, sa karun ginahulat pa nila ang resulta sa crime lab.
Pahayag ni Sarona, ang surprise drug test ginapatigayon halin sa national, panaog sa regional, provincial tubtob na sa mga cities kag municipalities.
Suno pa diri, padayon ang ila kampanya batok sa illegal nga druga kun sa diin kada semana may yara sila sang madinalag-on nga buy-bust operation.
