81 tanan ka volcano-tectonic earthquakes ang narekord sa bulkan Kanlaon humalin alas-12:00 sang kaagahon tubtob alas-10:00 sang aga kahapon.
Santo sa report sang Philippine Institute of Volcanology and Seismology (PHIVOLCS), ang nagluntad nga volcano-tectonic earthquake may kabaskugon nga 0.1 magnitude tubtob 2.9 magnitude.
Suno kay Ma. Antonia Bornas, pinuno sang Volcano Monitoring and Eruption Prediction Division sang PHIVOLCS, nagapabilin nga yara sa alert level 2 ang status sang bulkan kag may yara sang tsansa nga pagluntad sang steam-driven ukon phreatic eruptions ukon moderately explosive eruptions.
Suno diri, may tsansa man nga liwat nga magluntad ang minor explosive eruption ukon ash emmission.
Samtang, gin-athag man ni Bornas nga ang sunod-sunod nga linog nga nagluntad wala sang derekta nga epekto sa aktibidad sang bulkan.
Nagpasalig naman ini nga wala untat ang ila monitoring sa earthquake activity sang bulkan Kanlaon.
