Nagdangat sa 86 ka mga graduates sang University of Negros Occidental-Recoletos (UNO-R) ang nagkuha sang bar exam sa University of St. Lasalle kahapon kag sa adlaw sang Domingo, Pebreroc 6, 2022.
Sa interview sang Bombo Radyo Bacolod kay UNO-R College of Law Dean Atty. Dodie Opinion Tural, ginpahayag sini nga sa ila nga counting antes nagpatigayon sang antigen testing sang February 3, nagdangat sa 86 ang number sang examinees kun sa diin ang duha ang nagkuha sang exam sa lain nga testing center, ang isa ang nagkuha sang exam sa syudad sang Iloilo kag ang isa sa Manila.
Suno kay Atty. Tural may yar sang duha sa mga examinees ang nagpositibo sa antigen testing kag wala nakapadayon
Suno diri makaluluoy ang isa sa mga nagreactive sa antigen test bangud nagresign sa trabaho agud magtutok sa pagreview agud magkuha sang bar exam.
Ginpahayag man sini nga kahapon nahibaluan nila nga may duha ka UNO-R graduates nga nagkuha man sang pasinawan nga wala nagpahibalo sa ila sa wala matumod nga rason gani nangin 86 na ang counting sang UNO-R graduates nga physically nagkuha sang bar exam sa syudad sang Bacolod.
Gin-athag man ni Tural nga santo sang pagsulundan sang korte suprema nga kun magpositibo sa antigen testing ang examinee indi na ini makapadayon sa pagkuha sang exam.
Ginpahayag man sang dean nga kun nagpositibo sa COVID-19 ang examinee kag nagpaidalum sa protocol sa 7 days quarantine ang dapat magkuha sang certification sa Local Government Unit (LGU) nga nakapaidalom na sa quarantine nga nagapamatuod nga nakarecover na agud nga bisan magpositibo ini sa antigen test may yara sang exemption paagi sa certification ginpresentar nagikan sa LGU.
Ginpahayag man sini nga madamo pa kuntani ang magakuha sang exam kun tanan nga graduates ang nagkuha sang pasinawan.
Samgtang, nagahatag man sila sang encouraging words sa mga bar examinees paagi sa group chats.
Nagpanugyan man ini sa mga examinees nga magrelax kag ienjoy ang exam ang halos tanan ang bag-o sa pagkuha sang exam sa kaangay nga sitwasyon.
