89 ang mga panibag-o nga nadugang sa kaso sang COVID-19 sa ciudad sang Bacolod samtang 86 naman ang nadugang sa probinsya sang Negros Occidental.
Santo sa Department of Health Region 6 COVID-19 case bulletin no. 183, nakarecord ang Western Visayas sang 245 ka dugang nga mga kaso nga ginalakipan sang 89 sa Bacolod City, 86 sa Negros Occidental, 48 sa Iloilo City, 16 sa Iloilo Province, tig-duha sa Capiz kag Guimaras samtang isa naman ang sa Antique.
Sa 245 ka panibag-o nga kaso, 235 diri ang local cases, walo ang locally stranded individuals (LSI) samtang duha naman ang returning overseas Filiinos (ROF).
Sa karun, may ara na sang kabug-usan nga 10,759 ka mga kaso ang narecord sa Western Visayas nga may 3,944 ka mga aktibo nga kaso.
Samtang 6,593 naman ang mga nakarecover sa pagdugang sang 159 nga bag-o kag nagdangat naman sa 222 ang numero sang nagtaliwan sa pagdugang sang lima nga napatay.
Ang Bacolod City ang nakarecord sang 95 ka mga recoveries samtang ang Negros Occidental ang nakarecord sang 20 nga recoveries kag tatlo naman ang nagtaliwan bangod sa virus.
Yara naman sa 71.04% ang asymptomatic sa kabug-usan nga kaso sang rehiyon.// Sa karun, ang kabug-usan nga kaso sa Bacolod ang nagdangat na sa 3,765 samtang ang kaso naman sa Negros Occidental ang nagdangat na sa 2,795.///
