-- ADVERTISEMENT --
Patay ang siyam ka empleyado sang Local Government Unit sang Bayawan City, Negros Oriental matapos mahulog sa pil-as ang dump truck nga ila ginasakyan kaina sang aga.
Ang driver ang ginkilala nga si Egmedio Arnaiz samtang ang mga sakay naman amo sanday Diomedes Canoy, Kervin Andog, Larry Llamos, Ronel Cabasag, Jonathan Hamor, Jovanie Babor, Jonaryl Caguisa, kag Castro Estemada, lunsay mga empleyado sang LGU.
Sa inisyal nga report, may karga nga lima ka container sang crude oil ang mini dump truck kag paglab-ot sa Sitio Mansintak, Brgy. Kalamtukan, nahulog ini sa pil-as.
Gindala pa sa ospital ang mga biktima apang gindeklarar nga dead on arrival.
-- ADVERTISEMENT --
