Nakapauli na sa Pilipinas sang siyam ka Filipino seafarers matapos nga ginhilway sang Houthi rebels sang Yemen.
Pasado alas 9:30 kagab-i, Disyembre 4, nagland ang eroplano nga ila ginasakyan sa Ninoy Aquino International Airport (NAIA) Terminal 1.
Sang nag-abot ang mga marino, sila ang gin-updan ni Department of Migrant Workers (DMW) Secretary Hans Leo Cacdac.
Ang nasambit nga pagpahilway ang bangud sa wala untat nga pagpakig-angot sang Department Foreign Affairs (DFA) sa gobyerno sang Oman.
Madumduman nga sang Hulyo, gin-atake sang Houthi rebels ang MV Eternity sa Red Sea antes ini ginpalubog.
Ginpasiguro naman ni Cacdac nga makabaton sang bulig ang mga nag-abot nga seafarers.
Una na nga gin-anunsyar ni President Ferdinand Marcos Jr. kahapon ang maayo nga balita sa isa ka video message.
