Indi magnubo sa 91 ka mga Palestinians ang nagkalamatay kag dinosena ang pilason sa airstrikes nga nagluntad sa Gaza sa Huwebes matapos nagresume ang Israel sa pagpangbomba kag pagpatigayon sang ground operations.
Matapos ang duha ka bulan nga kalinong, liwat nga nagpalagyo ang mga Gazans matapos nagbiya sa isa ka ceasefire ang Israel kag naglunsyar sang bag-o nga all-out air kag ground campaign.
Nagbilin sang mga leaflets ang Israeli aircraft sa mga pamalay kag nagmando sa mga pumuluyo nga magbiya sa Beit Lahiya kag Beit Hanoun sa norte.
Matapos ang isa ka adlaw nga pagpadala sang mga tangke sa central Gaza, ginpahayag sang Israeli military nga nagsugod na ini sa pagpatigayon sang ground operations sa norte sang enclave.
Suno sa Palestinian medics, gintarget sang Israeli strikes ang pila ka mga pamalay sa northern kag southern areas sang Gaza Strip.
