Natalana nga igalunsyar na ang 911 operation sa ciudad sang Bacolod sa madason nga bulan.
Sa interview sang Bombo Radyo Bacolod kay Bacolod Secretary To the Mayor Atty. Marty Go, ginatinguhaan nga mangin operational ang 911 emergency hotline sa Bacolod City.
Suno kay Go, sang nagligad nga semana nagpatigayon na ang Department of Interior and Local Government (DILG) sang training sa personnel sang ciudad nga magapungko kag magsabat sa 911 emergency calls.
Suno kay Go sa tion nga mangin operational ini kag online na ang tanan nga emerhensya nga tawag sa ciudad sang Bacolod ang magaderecho na sa DRRMO agud nga madasig nga marespondehan.
Suno diri mas madasig ini kun ikumparar sa magtawag sa 911 sa Manila nga nagadugay ang pagresponde bangud kinahanglan pa nga idirect base sa lugar sang caller.
Tanan man nga sahi sang emerhensya ang i-cater sang 911 kag ang operator na ang maga-alert sa insakto nga ahensya sang gobyerno nga magresponde sa nabaton nga emergency call.
Gintraining man ang personnel kun ano ang mitigation nga himuon kaangay sang latency kag iban pa nga technical issues.
