Plano sang Provincial Government sang Negros Occidental nga magtukod sang mga 911 emergency offices sa tagsa ka Distrito.
Nahibaluan nga sa karun sa Panaad Park and Stadium lamang nahamtang ang Provincial Command Center nga amo man ang nagacater sang mga tawag sa 911.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, magatukod sila sang 911 emergency offices sa anom ka distrito sang probinsya.
Ini agud mapadasig ang pagresponder sa mga emerhensya.
Nahibaluan nga ang 911 hotline ang gintalana para matawagan sa tion sang mga emergency cases, kag ang Provincial Command Center amo ang magacontact sa nagakadapat nga ahensya nga magaresponder.
Gani mas mapadasig ang response kun ang makabatun sang tawag amo ang mga 911 offices sa mga distrito agud mas madasig man nga mapalab-ot sa mga talatapan kaangay sang Bureau of Fire Protection, Philippine National Police, Disaster Risk Reduction and Management Offices kag iban pa.
