Magaestablisyar ang ciudad sang Bacolod sang hotline para sa gina-abuso nga mga kabataan kag kababainhan.
Sa interview sang Bombo Radyo Bacolod kay Bacolod City Mayor Greg Gasataya, nag-issue ini sang executive order number 44 nga nagaestablisyar sang safe hotline para sa pag-report sang mga kaso nga imbulbado sa gender base violence.
Suno kay Gasataya ang hotline ang sa idalom sang Department of Social Services & Development (DSSD).
Suno sa alkalde gindihon ang pag-establisyar sang nasambit nga hotline bangud sa mga madamo nga reported cases angot sa pag-abuso sa mga kabataan kag kababainhan online.
Ang pagpanghangkat sa karun amo nga madamo ang wala makahibalo kun sa diin magareport gani paagi sa koordinasyon sa DSSD kag iban nga ahensya sang gobyerno nga naga-cater sang kaangay nga kaso natigayon nga maestablisyar ang hotline.
Sa tion nga may i-report nga kaso sang pagpang-abuso ukon kahadlok nga mangin biktima sang pagpang-abuso mahimo lamang magtawag sa hotline.
Ini ang isa sa proactive solution nga ginahimo sang Bacolod City Government sa nasambit nga problema.
