87 ka mga balay ang totally burned samtang anum naman ang partially burned sa sunog nga nagluntad sa Greenville Bato, Barangay Rizal, San Carlos City, Negros Occidental, kahapon, alas- 12:46 sang hapon.
Santo sa report sang Bureau of Fire Protection- San Carlos City, 93 tanan ka mga balay ang nasunog nga nag-apekto sa 395 ka mga indibidwal.
Nagdangat sa P2, 613, 450 ang balor sang halit sa 7,467 square meters nga area nga nasunog.
Samtang, electrical in nature naman ang ginalantaw nga ginhalinan sang kalayo nga nagresulta sa sunog.
May yara sang electrical ignition bangod sa overloading halin sa octopus connection sang wires kun sa diin ang 6-gang connection cord naka-attach sa 3-gang extension cord.
Sa karun may yara sang 34 ka pamilya nga nagatinir sa Brgy. Rizal Covered Court nga nahatagan na sang Modular Tents sang relief assistance halin sa City Social Welfare and Development Office.
Samtang may 31 naman ka pamilya nga nagatinir sa Quarantine Facility sa Brgy. 2 nga nahatagan na sang relief assistance sang Local Goverment Unit.
