970 ka mga balay sa 24 ka mga Barangay sa ciudad sang Bacolod ang narekord nga totally damaged.
Suno kay DSSD Head Dr Ritchelle Verdeprado Mangga, 99 ka mga evacuation centers ang nagamit sa ciudad bangod sa bagyo Tino.
Suno diri, gingamit bilang evacuation center ang mga buluthuan, covered courts, barangay hall, simbahan, chapel kag mga private establishment.
Suno kay Mangga, 24 ka pa lamang ka mga brgy gikan sa 61 tanan ka brgy sa ciudad ang ila nalibot kag nagdangat na sa 970 ka mga balay ang totally damaged samtang tuman naman ka dako ang numero sang mga balay nga partially damaged.
Dugang pa sini, ila pa ginatun-an sa karun kun mahimo madugang ang slightly damaged nga mga balay sa ila category bangod may iban nga gamay lang ang guba sang ila balay apang nagakinahanglan man sang assistance.
Pahayag sini, ila gina-isa isa assess ang mga nagub-an sang balay agud mahibaluan kun sa diin sila nga category malakip kag nagabulig man sila sa pagproseso sang mga dokumento agud makabaton sang ayuda ang mga nagub-an sang balay bangod sa bagyo Tino.
