Masobra P900 mil ang natipon sang mga pulis sa Bacolod nga pondo bilang kabahin sang Bayanihan Fund Challenge nga ibulig sa mga pumuluyo nga nagakinahanglan subong nga may COVID 19.
Suno kay Bacolod City Police Office spokesperson Police Lt. Col. Ariel Pico, P905 mil na ang pondo nga natipon sang mga pulis sa ciudad.
Suno diri, willing gid magshare ang kapulisan apisar nga madamo man sang pamilya sang mga ini ang nagakinahanglan.
Boluntaryo suno sa iya ang paghatag sang kantidad.
Ang malapit P1 million pesos nga natipon nga pondo sang PNP ang igabulig sa mga nagakinahanglan bilang dugang sa programa nga social amelioration program.
Ang kada isa sa ila ang naghatag sang P1,000 rason nga nakatipon sila sang P905,000.
Ang natipon nga kwarta ang igapadala sa national headquarters kaupod sang natipon halin sa iban nga estasyon.
Nakadepende na sa Campo Crame ang pagahatagan sang bulig bangod tungaon pa ini sa 17 ka rehiyon sa pungsod.
Si PNP chief Police Gen. Archie Gamboa ang nagalaom nga makatipon sang balor P200 million.
