Ginahulat sang gobernador sang Negros Occidental ang abiso sang Department of Health antes magdesisyon kun palawigon ang enhanced community quarantine sa probinsya bangud sa coronavirus disease.
Sa interview sang Bombo Radyo kay Governor Eugenio Jose ‘Bong’ Lacson, posible nga himuon man sa probinsya ang kaangay sa tikang nga ginhimo sang iban nga probinsya nga pagpalawig sang ECQ sang duha pa ka semana.
Apang ginalantaw man sini ang pagkonsidera sa ekonomiya ilabi na sa mga negosyo kun paano ini liwat nga makabalik sa operasyon.
Nahibaluan nga ang pondo sang gobyerno ang naghalin man sa mga taxes nga ginabayaran sa mga negosyo kag empleyado.
Ang IRA naman nga ginarelease kada bulan ang aprubado na apang indi ini sigurado kun naka-apekto diri ang mga extra grants kaangay sang Bayanihan kag SAF nga benepisyo.
Indi naman masaligan ang turismo sa pagdugang sang pondo bangud temporaryo man ini nga nagsirado.
Kasunod naman sa panibag-o nga kaso sang positibo sa probinsya, nakapatigayon na sang 53 ka test kag ginpadala na sa Western Visayas Testing Center.
