Ginkompirmar sang Department of Health kahapon sang aga nga may yara sang bag-o nga kaso sang COVID-19 sa Bacolod City, suno sa Bacolod City Health Office.
Ang 65-anyos nga babayi nga residente sang Purok Bayanihan, Barangay Banago ang nagsuprer sang ubo sang Abril 3 kag nagpakonsulta sa City Health Office sang Abril 17.
Ang swab test ang ginhimo para sa PCR testing kag ginpadala sa Iloilo Bio Lab sang Abril 21.
Si Patient No. 9 ang naga-istar sa iya nga balay kag wala sang history of travel.
Isa ini kag TB patient kag sa karun magapatigayon pa sang ikaduha nga test agud iverify ang result.
Suno kay Dr. Grace Tan, naka-isolate sa karun sa ila balay ang nasambit nga pasyente kag magapatigayon sila sang test sa immediate family member sini.
Mapatigayon man sila sang contact tracing kag mamonitor sa komunidad.
Suno kay Tan, makig-angot ang mga ini sa punong barangay sa possible nga paglock down sang area.
