Ginbutangan sang handwashing area ang duha ka mga public markets sa ciudad sang Bacolod.
Sa interview sang Bombo Radyo kay Bacolod City Lone District Congressman Greg Gasataya, naturn-over na sang iya opisina sa Libertad kag Sum-ag Public Markets ang handwashing area nga iya ginpahimo.
Suno diri, tuyo niya nga mabutangan ang tanan nga mga merkado publiko sa ciudad sang handwashing area agud nga malikawan ang paglapta sang coronavirus disease 2019 (COVID-19).
Sunod sini nga butangan ang Burgos Public Market.
Suno diri, nagligad seman lang siya nagsugod pahimo sang handwashing area kag ginaamat-amat lang niya pabutang sa mga merkado.
Paathag pa sang kongresista, mas maayo gid nga antes magsulod kag maggwa ang mga tawo sa public market, nakapanghugas ini sang kamot.
Nahibaluan nga ang proper handwashing ang isa sa mga makapugong agud maglapta ang virus.H
