Nagpanawagan si Negros Occidental Provincial Administrator Rayfrando Diaz sa mga pamilya sang OFW nga luyag magpadala sang mahimo nga gamiton sang ila himata sa quarantine center sa EB Magalona nga sarang gid ini nga mapadala agud mangin komportable ang mga ini.
Suno kay Diaz, may yara sang P5 million nga pondo nga ginpain para sa pagpatakod sang mga kuryente, pagbakal sang mga siya, lamesa kag mga folding beds para may gamiton ang mga ini kag gastuhon man sa security kag mga health care workers nga magmonitor sa mga ini.
Gustohon man sang probinsya nga hatagan sila sang maayo nga quarantine center kaangay sang hotel suno kay Diaz, wala sang magbaton bangud sa kahangawa nga madagtaan ang ngalan sang negosyo sang mga ini.
Ginpahayag man sini nga ang quarantine facility ang gintumod man agud indi mapuno ang mga hospital sang mga PUM.
Samtang may gintumod man nga extension sang quarantine center ang probinsya sa ciudad sang Cadiz nga isa man ka Yolanda Housing Project kag malapit sa Cadiz Covid-19 Center.
Gintilawan sang probinsya nga masatisfy ang mga ini apang wala makahibalo sang expectation sang mga ini sa quarantine centers.
