Ginkumpirmar ni Bacolod City Lone District Congressman Greg Gasataya nga pwede gamiton ang evacuation center nga nahamtang sa Abada Escay sa Barangay Vista Alegre ciudad sang Bacolod agud mangin quarantine facility.
Sa interview sang Bombo Radyo Bacolod kay Gasataya ginpahayag sini nga pwede gid ma-utilize ang nasambit nga evacuation center bilang quarantine facility sang mga returning Negrenses.
Apang suno kay Gasataya, nakadepende na ini karon sa city government bangud naturn over na niya ang proyekto sa ciudad sadto pang Pebrero 14.
Suno diri, ang city government na ang may diber kun pagagamiton nila ini bilang quarantine area kaangay sang ginhimo sang iban nga mga local government units (LGUs).
Apang dapat I-reevaluate ini anay sang Department of Health kun nagasanto ini sa ila nga standards antes gamiton.
Suno sa iya, dapat makapasar ini sa criteria sang DOH agud mangin quarantine facility.
Ginalantaw ni Gasataya nga madamo pa sang magapauli sa ciudad sa masunod nga inadlaw gani madamo sang kinahanglanon nga pasilidad.
Gin-athag man sang gobernador nga dapat magpakig-angot sa mga LGUs ang mga national agencies antes magrepatriate agud makapreparar man.
Suno diri, handa gid ang ciudad nga magbulig pero kuntani indi man sila pagkibuton kag gulpyadahon.
