Arestado ang isa ka persona matapos makuhaan sang gin-alegar nga ilegal nga droga sa buybust operation sang Murcia Police Station kag ginpangunahan ni Police Master Sergeant Donald Garde sa Purok Riverside, Brgy. Blumentritt, Murcia, Negros Occidental kahapon.
Sa impormasyon nga nakuha sang Bombo Radyo Bacolod, ang suspetsado ang ginkilala kay Rufino Esparas, 36 anyos, single kag residente sang Purok Paho, Brgy. San Miguel, Murcia, Negros Occidental, isa ka Social Amelioration Program (SAP) beneficiary kag Drug personality.
Nakuha sa paghinakop sini ang tatlo ka mga heat-sealed transparent sachet sang suspected shabu, pila ka drug paraphernalia kag isa ka P500 bill nga buybust money.
Ang suspetsado ang yara na sa karun sa paghinakop sang Murcia Police Station for proper disposition.
