Ginkumpirmar sang chairman sang inter-agency task force against coronavirus sang Bacolod nga nagnegatibo naman sa swab test ang Covid Patient # 5 nga taga-Doña Juliana, Barangay Taculing, Bacolod City.
Suno kay Vice Mayor El Cid Familiaran, nagnegatibo naman sa ikaduha nga swab test si Covid Patient # 9, ang residente sang Purok Bayanihan, Brgy. Mandalagan, Bacolod City kag nakatalana naman nga matapos ang 14 days mandatory quarantine sini sa palaabuton nga Domingo kag tion naman nga tugutan ini nga magpauli.
Nahibaluan nag sang Huwebes, nakapauli na ang mga himata kag tanan nga may close contact kay COVID patient number 8 sa ciudad sang Bacolod nga residente sang Purok Sabes, Barangay Villamonte.
Suno sa bise alkalde, nakagraduate na sa 14 days mandatory quarantine kag nagnetibo man ang resulta sang mga swab test sang mga ini.
Ginbatak naman nagikan sa ultra risk ang Purok Sabes, Barangay Villamonte, Bacolod City.
