Nagpanagtag ang Bacolod City government sang manok nga gindonate sang San Miguel Corporation (SMC) sa mga pumuluyo nga wala nakabaton sang ayuda.
Sa interview sang Bombo Radyo Bacolod kay Mayor Evelio “Bing” Leonardia, ginpahayag sini nga ang kutob nga wala nakabaton sang ayuda sa idalom sang Social Amelioration Program (SAP) ang ginhatagan sang dressed chicken nga gindonate sang San Miguel Corporation.
Ginpasalamatan sang alkalde si Mr. Ramon Ang sa paghatag sang manok.
Nahibaluan nga 38 mil ka mga dressed chicken nga nagabalor sang P5 million ang ipanghatag sa mga pamilya nga nagapuyo sa economic kag socialized housing, sa idalum sang lockdown, charitable institutions kag frontliners.
Ini man ang proyekto sang city government in partnership sa SMC paagi kay Leonardia, Bacolod Housing Authority (BHA) kag Department of Social Services and Development (DSSD).
