Nagdangat na sa 93 ang kaso sang COVID 19 sa Western Visayas matapos madugangan sang isa ka kaso kahapon nga adlaw, santo sa Bulletin No.45 sang Department of Region 6 samtang wala naman sang nagdugang nga kaso sa ciudad sang Bacolod kag probinsya sang Negros Occidental.
Suno sa DOH, si WV 93 ang 39 anyos, babayi nga residente sang Arevalo sa ciudad sang Iloilo kag yara sa quarantine facility.
Sa karun nagdangat na sa 93 ang kumpirmado nga kaso sang Coronavirus Disease 2019 sa bilog nga Western Visayas, 38 ang nakarecover kag napulo ang nagtaliwan.
Ang age range sang mga pasyente sa Region 6 ang yara sa tatlo tubtub 94 anyos samtang ang mga age group naman nga labi nga apektado amo ang 21 tubtub 30 anyos kag 41 tubtub 50 anyos.
Kalabanan naman sa mga pasyente ang mga lalaki nga nagaedad sang 61 ukon katumbas sang 66 porsyento.
Kahapon, May 10, nagdangat sa 186 ang kabug-usan nga lab results nga narelease sang Western Visayas Medical Center sub-national laboratory kag isa ang positibo samtang wala naman sang repeat test.
