Nadugangan sang coronavirus disease sa probinsya sang Negros Occidental kag sa karon, nagdangat na sa pito.
Kahapon, apat ka mga panibag-o nga kaso sang COVID-19 ang narekord kahapon sa Western Visayas, suno sa data nga ginpagwa sang Department of Health (DOH).
Tatlo sa mga panibag-o nga kaso ang nagikan sa siyudad sang IloIlo, samtang Negrense naman ang isa, kag lunsay mga OFW repatriates.
Si Western Visayas Patient No. 97 ang isa ka lalaki, 45 anyos, residente sang Talisay City kag nagikan ini sa pungsod Qatar.
Suno kay Negros Occidental Governor Eugenio Jose “Bong” Lacson, nag-abot ini sa probinsya nagikan sa Manila pinaagi sa 2GO Malasakit Voyage sadtong Abril 28, kag nagpositibo sa ginkuha nga RT-PCR test.
Bangud sini, nagdangat na sa pito ang COVID positibe sa probinsya sang Negros Occidental.
Suno naman kay Provincial Administrator Rayfrando Diaz, igasaylo ini sa Negros Occidental Healing Center sa EB Magalona gikan sa Go Hotel nga ginplastar sang OWWA bilang quarantine facility.
Nahibaluan nga yara na sa pito ang kaso sang COVID-19 positive sa probinsya sang Negros Occidental, samtang nagapabilin naman sa 11 ang kaso sang COVID-19 sa siyudad sang Bacolod
