Suspendido ang tatlo ka mga traffic enforcers nga nagbayolar sa mando sang gobyerno tuhoy sa social distancing bilang measure batok sa coronavirus disease 2019 (COVID-19).
Suno kay Bacolod Traffic Authority Office (BTAO) Head Lt. Col. Luisito Acebuche, ginsuspendi sini ang tatlo ka mga traffic enforcers nga nadakpan nga wala nagasunod sa social distancing.
Suno sa iya, ang duha ka mga enforcers ang nadakpan nga naga-angkasanay sa motorsiklo nga ginadumilian sa karun kag may mga concerned citizens nga nagpadangat sa iya.
Gani, ginpapanaugan niya ini sang indefinite suspension.
Kahapon, suno kay Acebuche, ginpapanaugan man sini sang 5-day suspension ang isa ka BTAO personnel matapos makit-an man nga naga-angkasanay sa motorsiklo.
Nahibaluan nga ang tatlo ang lunsay mga job order sa BTAO.
