Pila ka mga contracepctives ang narecover sang tropa sang gobyerno sa mga personal belongings sang terroristang NPA sa Brgy. Buenavista, Himamaylan City, Negros Occidental kahapon.
Sa interview sang Bombo Radyo Bacolod kay Col. Inocencio Pasaporte, commander sang 303rd Infantry Brigade, ginpahayag sini nga nagapatigayon sang community security patrol ang tropa sang gobyerno sang ini ang naka-engkwentro sa kapin 15 ka mga miyembro sang NPA.
Ini ang nagresulta sa pagka-recover sang isa ka backpack nga nagaunod sang personal belongings, medical paraphernalias nga ginalakipan sang tatlo ka mga stubs sang anti-pregnancy pills, food stuffs, lima ka mga booklets, subversive documents, camouflage t-shirt kag iban pa nga personal belongings.
Suno kay Pasaporte ang presensya sang contraceptive pills nga narecover sa personal belongings ang athag nga nagapakita nga may yara sang sexual abuse sa mga babayi nga miyembro sang NPA kag recruits.
Ginengganyo man ni Pasaporte ang tanan nga mga baayi nga miyembro sang NPA kag mga recruits nga bayaan ang grupo kag magbalik sa tagsa ka pamilya sini.
Dugang pa sini nga ginasiguro sang gobyerno ang masanag nga bwas damlag sang mga ini paagi sa Enhanced Comprehensive Local Integration Program (E-CLIP).
