Nagapabilin nga wala sang nagdugang nga kaso sang Covid-19 sa bilog nga Western Visayas.
Santo sa Covid-19 Case Bulletin #59 kahapon Mayo 24, wala sang nagdugang nga kaso sa Region 6.
Yara sa gihapon sa 107 ang kabug-usan nga kompirmado nga kaso sa rehiyon, 23 ang active, 74 ang recoveries kag nagpabilin sa napulo ang casualties.
Nakarecover naman ang Western Visayas ukon WV 83, isa ka 29 anyos nga babayi, isa ka repatriated OFW kag residente sang La Castellana, Negros Occidental.
Nagapabilin sa pito nga mga repatriated OFW ang nagpositibo sa COVID-19 sa probinsya sang Negros Occidental samtang tatlo naman sa ciudad sang Bacolod.
Sa pihak nga bahin, nag-abot na kagab-i ang 76 tanan ka stranded Negrenses kag OFWs sa Bacolod Silay Airport.
Tanan sila ang gindala sa Mambukal Resort agud magpaidalom sa 14 day mandatory quarantine kag kuhaan man sang swab sample para sa test agud mahibaluan sa posible nga COVID-19 infection.
