99 ka mga Bacoleño nga Overseas Filipino Workers (OFW) nga nastranded sa Metro Manila bangud sa enhanced community quarantine ang nag-abot sa ciudad alas 10:00 kaina sang aga.
Suno sa pinuno sang Action Team on Returning OFWs (ATRO) nga si City Councilor Israel Salanga, ginbriefing ang mga repatriated OFWs nga ginalakipan sang seafarers kag land based.
Suno kay Salanga, ginbriefing anay ang mga nag-alalabot kag ginbutang sa isa ka function hall sa ciudad agud mahatagan sang tanan nga instraksyon.
Suno diri, tungaon ang 99 nga nag-abot sa duha ka grupo agud duha ka mga quarantine centers ang maakomodar sa ila.
Ginkompirmar man sini nga ibutang sila sa magkatuhay nga hotel nga ginpreparar sang Overseas Workers Welfare Administration (OWWA) kag Maritime Industry Authority (MARINA).
May yara naman sang mabantay sa ila nga health workers kag nagpirma naman sila sang Conforme nga nagapasugot nga magpaidalom sa 14 days mandatory quarantine kag magpakuha sang swab sample kasunod sang ginpatuman nga protocol sang ciudad sa mga repatriates.
Ginpahayag naman sini nga ang mga ginpatuman nga protocol ang para man nga hilway sa virus ang mga ini sa tion nga magpauli sa tagsa ka pamilya.
