Mangin ang mga miyembro sang League of Cities of the Philippines (LCP) ang indi pabor sa pagbukas sang klase sa Agusto 24.
Sang Lunes sang gab-i, ginpahayag ni Presidente Rodrigo Duterte nga indi ini magpasugot nga mabukas ang klase para sa School Year 2020-2021 samtang wala sang bakuna batok sa coronavirus disease.
Sa video message ni Leonardia, personal ini nga nagapamatok sa pagbukas sang klase sa Agusto 24 bangud sa isa ka very valid reason.
Suno diri kinahanglan nga magpili kag magtalana sang prayoridad bangud nagapati ini nga ang pinakaimportante sa tanan amo ang ikaayong-lawas sang mga kabataan.
Suno kay Leonardia nga amo man ang national presidente sang LCP, naglunsyar ang liga sang survey tuhoy sa pagbukas sang klase kag may yara sang overwhelming response ang mga city mayors nga nagapabor sa pagpostpone sang klase.
Nagapati ang alkalde nga wala sang dapat dalian bangud kun ipaiway ang pagbukas sang klase, palareho man ang sitwasyon sa tanan nga mga kabataan.
Suno diri, mabudlay ipatuman ang social distancing sa mga kabataan bangud bata ang ila isip.
Nagalaom man ini nga ireconsider sang mga otoridad ang ila desisyon kag ipostpone ang school opening samtang yara pa sang COVID pandemic.
Sadtong Mayo 20, isa man ka resolusyon ang ginpasar sang Sangguniang Panlungsod sang Bacolod nga nagahingyo sa Department of Education nga ipaiway ang pagbukas sang klase sa Agusto 24.
