Magadesisyon pa ang Diocese of Bacolod angot sa patigayunon nga mga precautionary measures sa pagbukas sang simbahan sa idalom sang Modified General Community Quarantine.
Sa interview sang Bombo Radyo kay Rev Fr. Chris Gonzales, pinuno sang Social Action Center, ginpahayag sini nga sa inisyal nga impormasyon nga nakuha sini, pasugtan na ang simbahan sa pagpatigayon sang misa apang 50 porsyento lang sang seating capacity sini.
Subong nga hapon, magatipon ang mga ini agud madiskusyonan ang decision sang simbahan sa pagpatigayon sang misa.
Nagpanugyan man ini nga mahimo man nga magpamati paagi facebook live kag sa radyo sa tion nga indi makaattend sang misa bangud 50 porsyento lang ang pahanugutan nga makasulod.
Ginpahayag man sini nga sa Sabado, may yara sang Chrism mass ukon pagtipon sang mga pari agud magrenew sang mga saad sini, pagbendisyon sang Holy water kag lana nga pagagamiton sa Sacramento.
Samtang ang misa ang may lak-ang nga isa ka oras pagkatapos sang isa agud may tion sa pagdis-infect.
