Ginkompirmar sang pinuno sa Department of Social Welfare and Development Region 6 nga kapin 1.45 million na ka mga pamilya sa Western Visayas ang nahatagan sang emergency cash assistance.
Sa press briefing ni Director Ma. Evelyn Macapobre, ginpahayag sini nga P8.2 billion na ang kabug-usan nga napanghatag sa first tranche.
Suno sa iya, nalakip sa mga nahatagan ang 1,130,416 ka mga pamilya kag benepisyaryo nga indi miyembro sang 4Ps.
Kahapon, suno kay Macapobre, 6 billion, 782 million, 766 thousand pesos ang ila napanghatag sa bilog nga rehiyon.
Nagpaandam man ang regional director sa mga persona nga naga-apply gihapon apisar nga nakahibalo sila nga indi ang mga ini qualified subong man sa mga local government units kag opisyales sang barangay.
75,281 naman ka mga pamilya ang nakabaton sang foodpacks kahapon.
Suno kay Rayner Jude Lobaton, focal person for Technical Assistance and Resource Augmentation sang DSWD Region 6, ang ila napanghatag nga foodpacks ang nagabalor sang P29,447,905 samtang P1,622,457.10 naman ang mga non-food packs nga ila napanghatag.
Nakarelease man ang DSWD sang cash grant sa 325,902 ka mga indigents nga senior citizens.
Suno sa iya, P977,706,000 ang kabug-usan nga balor nga ila napanghatag sa mga indigents senior citizens.
