Wala sang nagdugang nga kaso sang Covid-19 sa ciudad sang Bacolod kag probinsysa sang Negros Occidental apang may yara sang nagdugang nga kaso sa Western Visayas kahapon.
Santo sa case bulletin #73 nga ginapagwa sang Department of Health Western Visayas, nagdangat na sa 125 ang kompirmado nga kaso matapos nga madugangan sang duha.
Ginlakipan ini sang WV 124 nga 40 anyos lalaki kag residente sang San Joaquin, Iloilo samtang si WV 125 naman ang 28 anyos, lalaki kag residente sang Lezo, Aklan.
Lunsay mga repatriated Overseas Filipino Workers (OFW) kag nagapabilin sa quarantine facility.
Samtang 88 na ang nakarecover kag nagdangat na sa 11 ang nagtaliwan bangud sa balatian.
Sa pihak nga bahin, nag-abot naman ang 102 ka mga Locally Stranded Individuals nagikan sa Manila sa Bacolod sakay sa Philippine Airlines flight PR 4135.
Gindala naman ang mga ini sa ETCS 4 agud magpaidalom sa 14 day mandatory quarantine.
